بانی پی ٹی آئی اور وزیراعلی خیبر کی ملاقات کی اندرونی کہانی: وزرا کے خلاف کارروائی کا امکان

اسلام آباد(اباسین خبر)بانی پی ٹی آئی اور وزیراعلی خیبر پختونخوا کی ملاقات کی اندرونی کہانی سامنے آ گئی ہے۔ ذرائع کے مطابق علی امین گنڈا پور نے بانی پی ٹی آئی کو صوبے میں تنظیم سازی کے حوالے سے شکایت کی اور کہا کہ عاطف خان اور شیر ارباب کو آپ کے کہنے پر عہدوں سے ہٹایا گیا تھا، لیکن اب انہیں دوبارہ شامل کیا گیا ہے۔بانی پی ٹی آئی نے اس معاملے پر متعلقہ قیادت سے پوچھنے کا وعدہ کیا۔ اس کے علاوہ وزیراعلی نے دو وزرا کی کارکردگی پر بانی پی ٹی آئی سے شکایت کی۔بانی پی ٹی آئی نے علی امین کو وزرا کے خلاف کارروائی کرنے کی ہدایت کی، اور دونوں وزرا کو کابینہ سے ہٹائے جانے یا قلم دان تبدیل کرنے کا امکان ظاہر کیا ہے۔اس ملاقات کے دوران بیرسٹر گوہر نے بھی علی امین گنڈا پور سے ملاقات کی، اور پارٹی ٹکٹوں کے حوالے سے گنڈا پور کے بیان پر تشویش کا اظہار کیا۔ انہوں نے علی امین کو مستقبل میں خاموش رہنے اور اختلافات پارٹی کے اندر رکھنے کا مشورہ دیا۔