پاکستان اسٹاک ایکسچینج میں ہفتہ وار مثبت رجحان، 100 انڈیکس میں 635 پوائنٹس کا اضافہ

کراچی ( کامرس ڈیسک)پاکستان اسٹاک ایکسچینج کی ہفتہ وار اپ ڈیٹس کے مطابق، بازارِ حصص کا 100 انڈیکس ہفتے بھر میں 635 پوائنٹس کے اضافے سے 1 لاکھ 17 ہزار 806 پر بند ہوا۔ کاروباری ہفتے میں 100 انڈیکس کی بلند ترین سطح 1 لاکھ 18 ہزار 797 جبکہ کم ترین سطح 1 لاکھ 15 ہزار 877 ریکارڈ کی گئی۔اس ہفتے کے دوران اسٹاک مارکیٹ میں 1 ارب 26 کروڑ شیئرز کے سودے ہوئے، جو اس بات کا غماز ہیں کہ سرمایہ کاروں کا اعتماد برقرار رہا اور مارکیٹ میں کاروباری سرگرمیاں تیز رہیں۔