12
لاہور( سپورٹس ڈیسک)پاکستان کرکٹ ٹیم کے کھلاڑی امام الحق نیوزی لینڈ کے خلاف ہونے والی ون ڈے سیریز کے پہلے میچ سے باہر ہوگئے ہیں۔ امام الحق دائیں پائوں کی انجری کا شکار ہوگئے ہیں، جس کی تصدیق پاکستان کرکٹ بورڈ (پی سی بی) نے کی۔ پی سی بی کا کہنا ہے کہ امام الحق گزشتہ روز پریکٹس سیشن کے دوران انجری کا شکار ہوئے۔پاکستان کے ون ڈے اسکواڈ میں کپتان محمد رضوان، نائب کپتان سلمان علی آغا، عبداللہ شفیق، امام الحق، طیب طاہر، بابر اعظم، ابرار احمد، عاکف جاوید، فہیم اشرف، خوشدل شاہ، محمد علی، محمد وسیم جونیئر، محمد عرفان خان، نسیم شاہ اور سفیان مقیم شامل ہیں۔نیوزی لینڈ اور پاکستان کے درمیان تین ون ڈے میچز کی سیریز کا پہلا میچ آج 29 مارچ کو کھیلا جائے گا۔
