حافظ عطا اللہ کو رہا کیا جائے،بنگلا دیشی حکومت نے بین الاقوامی، انسانی اور مذہبی اقدار کی خلاف ورزی کی:مولانا فضل الرحمان

اسلام آباد:( اباسین خبر) جمعیت علمائے اسلام (جے یو آئی-ف) کے سربراہ مولانا فضل الرحمان نے برما (میانمار) کے رہنما حافظ عطا اللہ کی گرفتاری کی شدید مذمت کی ہے۔مولانا فضل الرحمان نے کہا کہ “بنگلا دیشی حکومت نے علاج کی غرض سے آنے والے مہمان کو گرفتار کیا، جو کہ بین الاقوامی، انسانی اور مذہبی اقدار کے خلاف ہے۔” انہوں نے مزید کہا کہ “کیا حافظ عطا اللہ کا اپنی مظلوم قوم کے لیے کلمہ حق بلند کرنا ہی ان کا جرم ہے؟”مولانا فضل الرحمان نے کہا کہ “حافظ عطا اللہ مسلم امہ کی نظر میں عظیم مجاہد ہیں اور ہم ان کی مکمل حمایت کرتے ہیں۔” انہوں نے مطالبہ کیا کہ انہیں فوری طور پر رہا کیا جائے۔