امن ہر جگہ ضروری ہے، ہمیں دہشتگردی کیخلاف یک زبان ہو کر اقدامات کرنا ہونگے:وزیراعلی سندھ

کراچی( اباسین خبر)وزیراعلی سندھ مراد علی شاہ نے کہا کہ ملک میں دہشت گردی کی لہر تیز ہو گئی ہے، خصوصا بلوچستان اور خیبر پختونخوا میں دہشت گردی عروج پر ہے۔ سندھ اسمبلی میں اظہار خیال کرتے ہوئے انہوں نے کہا کہ ہم سب کو دہشت گردی کے خلاف یک زبان ہو کر اقدامات کرنا ہوں گے، چاہے شہری علاقے ہوں یا دیہی، امن ہر جگہ ضروری ہے۔مراد علی شاہ نے مزید کہا کہ سندھ میں امن و امان کی صورتحال بہتر ہوئی ہے اور ہم نے سندھ میں بہت برا وقت دیکھا ہے، جہاں روزانہ لاشیں گرتی تھیں۔ ان کا کہنا تھا کہ بدقسمتی سے ہم روڈ حادثات پر زیادہ توجہ دیتے ہیں، مگر ہمیں دہشت گردی کے خطرات کے بارے میں ہوشیار رہنا چاہیے۔