ایگا سوائیٹک کا غصے میں گیند پھینکنے کا واقعہ، شائقین کی ہوٹنگ کے باعث طیش میں آئیں

کراچی ( سپورٹس ڈیسک)سابق ورلڈ نمبر ون ایگا سوائیٹک انڈین ویلز کے سیمی فائنل میں میرا آندریوا کے خلاف میچ کے دوران غصے میں آپے سے باہر ہوگئیں۔میڈیا رپورٹ کے مطابق، ایگا سوائیٹک ہار سے قبل بال کڈ کی جانب گیند پھینک بیٹھیں۔ اس دوران شائقین نے ان پر ہوٹنگ کی، جس سے سوائیٹک مزید طیش میں آ گئیں۔ایگا کی اس حرکت پر بچے نے گیند کو بچتے ہوئے شائقین کی جانب اچھال دیا، جس پر وہاں موجود افراد نے سخت ردعمل ظاہر کیا۔آندریوا نے اس میچ میں فتح حاصل کی اور فائنل میں جگہ بنائی ہے، جہاں ان کا مقابلہ ٹاپ سیڈ آریانا سیبالینکا سے ہوگا۔