آسٹریلیا کے سابق کرکٹر اسٹیورٹ میک گل کو منشیات کیس میں قصوروار قرار، مگرسزا کا سامنا برقرار

سڈنی( سپورٹس ڈیسک)آسٹریلیا کے سابق ٹیسٹ کرکٹر اسٹیورٹ میک گل کو منشیات کے معاملے میں قصوروار قرار دے دیا گیا ہے۔آسٹریلوی میڈیا کے مطابق اسٹیورٹ میک گل کوکین کی لین دین کی سہولت کاری میں ملوث پائے گئے۔ انہیں اپنے بہنوئی اور اسٹریٹ ڈرگ ڈیلر کے ساتھ منشیات کی سہولت کاری میں قصور وار قرار دیا گیا۔جیوری نے سابق کرکٹر کا دعوی مسترد کرتے ہوئے فیصلہ سنا دیا، جس میں اسٹیورٹ میک گل نے کہا تھا کہ انہوں نے صرف دو افراد کو متعارف کرایا تھا۔ نیو ساتھ ویلز ڈسٹرکٹ کورٹ نے آٹھ روز تک جاری رہنے والے ٹرائل کے بعد ان کو قصوروار قرار دیا۔اسٹیورٹ میک گل کو بڑے پیمانے پر ممنوعہ ڈرگ کے کاروبار میں ملوث نہیں پایا گیا، تاہم وہ خود تسلیم کرتے ہیں کہ وہ باقاعدگی سے آدھا گرام کوکین 200 ڈالرز میں خریدتے تھے۔یہ منشیات کیس 2021 سے چل رہا تھا اور اب اسٹیورٹ میک گل کو رواں سال کے آخر میں سزا سنائے جانے کا امکان ہے۔