کراچی میں رواں سال ڈینگی کے 156 کیسز رپورٹ، ماہِ مارچ میں 18 نئے کیسز

کراچی( ہیلتھ ڈیسک)کراچی میں رواں سال کے دوران اب تک ڈینگی کے 156 کیسز رپورٹ ہو چکے ہیں، جن میں سے مارچ میں 18 نئے کیسز سامنے آئے ہیں۔محکمہ صحت سندھ کے مطابق جنوری میں 85، فروری میں 53 جبکہ مارچ میں اب تک 18 کیسز رپورٹ ہو چکے ہیں۔طبی ماہرین نے شہریوں کو مشورہ دیا ہے کہ گھروں، دفاتر، گلیوں، ٹائر، گملوں اور دیگر مقامات پر پانی جمع نہ ہونے دیں تاکہ ڈینگی وائرس کی پھیلا کو روکا جا سکے۔