ادیتی شرما پر شوہر کا دھوکے کا الزام، 2024 میں خفیہ شادی کے بعد طلاق کی درخواست

ممبئی ( شو بز ڈیسک)بھارتی ٹیلی ویژن اداکارہ ادیتی شرما پر ان کے شوہر ابھینیت کوشک نے شادی کے چند ماہ بعد دھوکا دینے کا الزام عائد کیا ہے۔ بھارتی میڈیا رپورٹ کے مطابق، ابھینیت کوشک نے دعوی کیا کہ اداکارہ نے 2024 میں خفیہ شادی کی، جس کے بعد چند ماہ بعد ہی اس نے ساتھی اداکار سمارتھ گپتا سے تعلقات قائم کرلیے۔ابھینیت کوشک نے مزید دعوی کیا کہ اداکارہ نے اس سے طلاق کے لیے 25 لاکھ روپے کی رقم مانگی۔ وہ ٹی وی پروگرام “رب سے ہے دعا” سمیت کئی شوز میں پرفارمنس دے چکی ہیں، اور اب ان کے شوہر نے اس خفیہ شادی کے رشتہ کو ختم کرنے کا فیصلہ کیا ہے۔ابھینیت کوشک نے بتایا کہ ان کی ملاقات 2020 کے لاک ڈان کے دوران ایک ایکٹنگ کلاس میں ہوئی، اور پھر 2024 تک دونوں کی ڈیٹنگ چلتی رہی۔ شادی کے حوالے سے ابھینیت نے کہا کہ اداکارہ نے انہیں بار بار شادی کرنے کی پیشکش کی، لیکن وہ ذہنی طور پر تیار نہیں تھے، مگر آخرکار اس کی محبت میں مان گئے، تاہم اس شرط پر کہ شادی کو خفیہ رکھا جائے کیونکہ انڈسٹری میں شادی کو اچھا نہیں سمجھا جاتا۔ابھینیت کوشک نے مزید کہا کہ شادی کے بعد ابتدائی طور پر سب کچھ ٹھیک تھا، لیکن جب سمارتھ گپتا نے شوٹنگ کے دوران انٹری مارنی شروع کی، تو معاملات بدل گئے۔ انہوں نے دعوی کیا کہ ادیتی نے بتایا کہ سمارتھ اسے “بی بی ڈول” کہتا ہے اور اس کے ساتھ برا رویہ رکھتا ہے، پھر بھی وہ مجبوری میں اس سے بات کرتی تھی۔ابھینیت کوشک نے کہا کہ ایک رات جب ادیتی نے ڈنر پر جانے کو کہا، تو میں نے اس کی گاڑی کا پیچھا کیا اور وہ ایک سوسائٹی کی بیسمنٹ میں رک گئی۔ میں نے وہاں صبح تک ان کا انتظار کیا اور دونوں کو اکٹھے دیکھا۔ اس پر جب میں نے ادیتی سے پوچھا کہ کیا وہ سمارتھ کو پسند کرتی ہے تو وہ صرف مسکرادی۔ابھینیت نے کہا کہ اس واقعے کے بعد بھی انہوں نے اپنی شادی کو موقع دینے کی کوشش کی، مگر ادیتی نے اپنے کیریئر کو ترجیح دی اور اس کے بعد دونوں میں علیحدگی ہوگئی۔