ایپل اپنے آپریٹنگ سسٹمز میں بڑی تبدیلیوں کی تیاری کرنے لگا

نیو یارک ( مانیٹرنگ ڈیسک)ٹیکنالوجی کی معروف کمپنی ایپل اپنے آپریٹنگ سسٹمز آئی او ایس، آئی پیڈ او ایس اور میک او ایس کے لیے بڑی تبدیلیوں کی تیاری کر رہی ہے۔ بلومبرگ کے مارک گرمن کے مطابق، ایپل آئی او ایس 19، آئی پیڈ او ایس 19 (کوڈ نیم “لک”) اور میک او ایس 16 (کوڈ نیم “چیئر”) کے ساتھ سافٹ ویئر کی تاریخ کی سب سے بڑی تشکیلِ نو کرنے جا رہا ہے۔ان نئے آپریٹنگ سسٹمز کی نمائش ایپل کے ورلڈ وائڈ ڈویلپرز کانفرنس (WWDC) میں جون میں کی جائے گی، اور پھر سال کے دوسرے نصف حصے میں یہ باضابطہ طور پر لانچ کر دیے جائیں گے۔گرمن کے مطابق، ان نئے ورژنز میں آئیکونز، مینو، فرسٹ پارٹی ایپس، ونڈوز اور مجموعی طور پر سسٹم کے یوزر انٹرفیس میں بنیادی تبدیلیاں کی جائیں گی۔ رپورٹ میں یہ بھی کہا گیا ہے کہ آئی او ایس 19 2013 کے آئی او ایس 13 کے بعد سے سب سے اہم اپ ڈیٹ ہوگی، جبکہ میک او ایس 19 2020 کے “بگ سر” کے بعد سے سب سے بڑی اپ ڈیٹ ثابت ہوگا۔یہ بڑی تبدیلیاں ایپل کے صارفین کے لیے ایک نئی اور بہتر تجربے کی پیش کش کر سکتی ہیں، جو ایپل کے سسٹمز میں مزید انٹرفیس اور یوزر کے تجربے کی بہتری کا سبب بنیں گی۔