نواب شاہ میں پیٹرول بم حملہ، 2 ملزمان گرفتار، مظاہرین کا احتجاج

نواب شاہ( اباسین خبر)نواب شاہ میں قومی شاہراہ پر علی آباد کے مقام پر ٹریلر پر پیٹرول بم سے حملہ کیا گیا۔ پولیس کے مطابق حملے کے نتیجے میں ٹریلر کو آگ لگ گئی، تاہم فورا آگ پر قابو پا لیا گیا۔پولیس نے حملہ کرنے والے مبینہ 2 ملزمان کو گرفتار کر کے تفتیش کا آغاز کر دیا ہے۔ملزمان کی گرفتاری کے خلاف علاقہ مکینوں نے احتجاج کیا، جس کے باعث قومی شاہراہ بلاک ہو گئی۔ مظاہرین نے گاڑیوں پر پتھرا بھی کیا، جس سے سڑک کی صورتحال مزید پیچیدہ ہو گئی۔