لاہور( سپورٹس ڈیسک) پاکستان کرکٹ ٹیم دورہ نیوزی لینڈ کے لیے لاہور ایئرپورٹ سے براستہ دبئی کرائسٹ چرچ روانہ ہو گئی ہے۔ پاکستان اور نیوزی لینڈ کے درمیان پانچ ٹی ٹوئنٹی انٹرنیشنل میچوں کی سیریز کا پہلا میچ 16 مارچ کو کھیلا جائے گا۔قومی اسکواڈ میں عبدالصمد اور حسن نواز بھی شامل ہیں، جو پہلی مرتبہ پاکستان ٹیم میں منتخب ہوئے ہیں۔نائب کپتان شاداب خان نے کہا کہ “مجھے نئی ذمہ داری سونپی گئی ہے، اور ہم اچھا کھیلنے کی کوشش کریں گے۔” انہوں نے مزید کہا کہ “ٹیم میں نوجوان کھلاڑی شامل ہیں، جن کی انرجی مختلف اور پازیٹو ہوتی ہے۔ پہلی بار ٹیم کا حصہ بننے والے کھلاڑیوں سے بڑی امیدیں وابستہ ہیں، اور ہم کامیاب ہونے کی پوری کوشش کریں گے۔”دوسری جانب نیوزی لینڈ نے سیریز کے لیے اپنی ٹیم میں چیمپئنز ٹرافی کی فائنلسٹ ٹیم کے سات کھلاڑیوں کو شامل کیا ہے۔ آٹ راونڈر مائیکل بریسویل ٹیم کی قیادت کریں گے۔
شاداب خان کی قیادت میں پاکستان کرکٹ ٹیم نیوزی لینڈ کے دورے کے لیے روانہ
5
