4
کوئٹہ( اباسین خبر) بلوچستان اسمبلی کا اجلاس آج دوپہر اڑھائی بجے ایک دن کے وقفے کے بعد ہوگا، جس میں صوبے میں دہشت گردی کی کارروائیوں کی مذمت اور دہشت گرد گروپوں کے خلاف کارروائی کے لیے قرارداد پیش کی جائے گی۔اجلاس میں بلوچستان اسمبلی کے حلقہ پی بی 45 کوئٹہ سے دوبارہ منتخب رکن حاجی علی مدد جتک اسمبلی رکنیت کا حلف لیں گے۔صوبائی مشیر مینا مجید اس اجلاس میں بلوچستان میں دہشت گردی کی کارروائیوں کی مذمت اور دہشت گرد گروپوں کے خلاف کارروائی کی قرارداد پیش کریں گی۔اجلاس میں بلوچستان مائنز اینڈ منرلز کے مسودہ قانون پر بھی غور کیا جائے گا، اور وقفہ سوالات میں محکمہ خزانہ اور محکمہ بلدیات سے متعلق سوالات کے جوابات دیے جائیں گے۔
