6
لاہور ( اباسین خبر)لاہور ہائیکورٹ نے چوہدری پرویز الٰہی کے مقدمات کی تفصیلات کے حصول کے لئے دائر درخواست پر فیصلہ سنا دیا۔جسٹس طارق ندیم نے پولیس رپورٹ کی روشنی میں درخواست کو نمٹاتے ہوئے کہا کہ اگر درخواست گزار کو کوئی شکایت ہو تو وہ متعلقہ فورم سے رجوع کرے۔ پنجاب پولیس کی رپورٹ کے مطابق چوہدری پرویز الٰہی کے خلاف 32 مقدمات درج ہیں۔ تاہم، درخواست گزار کے وکیل نے پولیس رپورٹ پر عدم اطمینان کا اظہار کرتے ہوئے دوبارہ رپورٹ طلب کرنے کی استدعا کی تھی۔ عدالت نے پولیس رپورٹ کی روشنی میں درخواست کو نمٹا دیا۔اس فیصلے کے بعد اب درخواست گزار کے پاس یہ اختیار ہے کہ وہ اس معاملے پر مزید قانونی کارروائی کے لیے متعلقہ فورم سے رجوع کرے۔
