سونا سستا ہوگیا، عالمی اور مقامی مارکیٹوں میں قیمت کم ہوگئی

کراچی ( کامرس ڈیسک)عالمی اور مقامی مارکیٹوں میں سونے کی قیمتوں میں کمی آئی ہے۔بین الاقوامی بلین مارکیٹ میں فی اونس سونے کی قیمت 11 ڈالر کی کمی کے بعد 2 ہزار 910 ڈالر کی سطح پر آ گئی ہے۔مقامی صرافہ مارکیٹوں میں بھی ہفتے کو 24 قیراط کے حامل فی تولہ سونے کی قیمت میں ایک ہزار روپے کی کمی ہوئی، جس کے بعد یہ قیمت 3 لاکھ 6 ہزار روپے تک پہنچ گئی۔ اسی طرح فی 10 گرام سونے کی قیمت 858 روپے کی کمی سے 2 لاکھ 62 ہزار 345 روپے کی سطح پر آ گئی۔چاندی کی قیمتوں میں بھی کمی دیکھنے کو ملی ہے، فی تولہ چاندی کی قیمت 12 روپے کی کمی کے بعد 3 ہزار 388 روپے جبکہ 10 گرام چاندی کی قیمت 10 روپے کی کمی سے 2 ہزار 904 روپے کی سطح پر آگئی۔