5
اسلام آباد( اباسین خبر) وزیراعظم شہباز شریف نے سول سرونٹ پروموشن رولز میں تبدیلی کر دی ہے۔اسٹیبلشمنٹ ڈویژن نے سول سرونٹ پروموشن رولز میں تبدیلی کے حوالے سے نیا ایس آر او جاری کر دیا۔ نئے ایس آر او کے مطابق گریڈ 22 میں پروموشن کے لیے کسی افسر کا کیس صرف دو مرتبہ زیر غور آ سکتا ہے۔ اگر دو مرتبہ کیس زیر غور آنے پر پروموشن نہ مل سکی تو دوبارہ کیس زیر غور نہیں آئے گا، اور افسر اپنے پچھلے گریڈ میں ہی ریٹائر تصور ہوگا۔دوسری جانب، گزٹ آف پاکستان میں رولز کی تبدیلی کا نوٹیفکیشن بھی جاری کر دیا گیا ہے۔
