غزہ کی تعمیر نو کے لیے عرب رہنماؤں نے مصر کے منصوبے کی منظوری دے دی

قاہرہ( مانیٹرنگ ڈیسک)مصر کے دارالحکومت میں عرب لیگ کا اجلاس ہوا، جس میں مصر، سعودی عرب، قطر، اردن، شام اور دیگر عرب ممالک کے رہنماں کے علاوہ اقوام متحدہ کے سربراہ، صدر یورپی یونین اور اسلامی تعاون تنظیم کے سکریٹری جنرل بھی شریک ہوئے۔اجلاس میں رہنماں نے امریکی صدر ڈونلڈ ٹرمپ کے منصوبے کو مسترد کرتے ہوئے غزہ کی تعمیر نو کے لیے مصر کا پیش کردہ منصوبہ منظور کر لیا۔عرب رہنماں نے فلسطینیوں کو ان کی سرزمین سے بے گھر کرنے کی کسی بھی کوشش کو مسترد کرتے ہوئے کہا کہ ایسا قدم علاقائی امن کے لیے خطرہ ثابت ہو سکتا ہے۔خبر رساں اداروں کے مطابق، مصر کے 53 ارب ڈالر کے مجوزہ 5 سالہ منصوبے میں غزہ میں لاکھوں مکانات، تجارتی بندرگاہ اور ایئرپورٹ کی تعمیر شامل ہے۔ اس منصوبے میں فلسطینی علاقوں میں انتخابات کے انعقاد اور دو ریاستی حل کی کوششیں بھی شامل ہیں۔عرب رہنماں نے غزہ کی تعمیر نو کے لیے ایک ٹرسٹ فنڈ قائم کرنے پر بھی اتفاق کیا، جو مالی معاونت فراہم کرے گا۔ اس کے علاوہ، تعمیر نو کے عمل کو تیز کرنے کے لیے بین الاقوامی تعاون کی ضرورت پر بھی زور دیا گیا۔