1
پشاور( اباسین خبر)دارالعلوم حقانیہ نوشہرہ میں ہونے والے خودکش دھماکے کی تحقیقات جاری ہیں۔ پولیس کے مطابق، نادرا میں خودکش حملہ آور سے متعلق کوئی ریکارڈ نہیں مل سکا، تاہم تفتیشی ٹیم ہر زاویے سے تحقیقات کر رہی ہے۔ پولیس نے یہ بھی بتایا کہ تفتیش کا دائرہ کار افغان مہاجر کیمپوں تک وسیع کرنے کا فیصلہ کیا گیا ہے۔یاد رہے کہ 28 فروری کو نوشہرہ کے دارالعلوم حقانیہ اکوڑہ خٹک کی جامع مسجد میں نماز جمعہ کے بعد خودکش دھماکا ہوا تھا، جس کے نتیجے میں مولانا حامد الحق سمیت 8 نمازی شہید اور 18 زخمی ہوئے تھے۔ اس واقعے کی تحقیقات کے لیے مختلف پہلوں پر تفتیش کی جا رہی ہے تاکہ ذمہ داروں کا پتہ چلایا جا سکے اور واقعے کے اسباب کا جائزہ لیا جا سکے۔
