چیمپئنز ٹرافی: بھارتی کرکٹ بورڈ کا وفد کل قذافی اسٹیڈیم میں سیمی فائنل دیکھے گا

لاہور( سپورٹس ڈیسک)آئی سی سی چیمپئنز ٹرافی کا دوسرا سیمی فائنل کل لاہور کے قذافی اسٹیڈیم میں جنوبی افریقا اور نیوزی لینڈ کے درمیان کھیلا جائے گا۔ذرائع کے مطابق بھارتی کرکٹ بورڈ کا وفد بھی کل قذافی اسٹیڈیم میں سیمی فائنل میچ دیکھنے کے لیے موجود ہوگا، جس کی قیادت نائب صدر بھارتی کرکٹ بورڈ راجیو شکلا کریں گے۔ بھارتی بورڈ کا وفد واہگہ بارڈر کے راستے لاہور پہنچے گا اور لاہور میں دو روز قیام کرے گا۔یاد رہے کہ آج بھارت اور آسٹریلیا کے درمیان پہلا سیمی فائنل دبئی میں کھیلا جا رہا ہے۔