دورہ نیوزی لینڈ کے لیے قومی ٹیم کا اعلان آج، بڑی تبدیلیاں متوقع

لاہور( سپورٹس ڈیسک)دورہ نیوزی لینڈ کے لیے پاکستان کرکٹ ٹیم کا اعلان آج متوقع ہے، جس میں ٹی 20 سکواڈ میں بڑی تبدیلیوں کا امکان ہے۔ محمد رضوان، بابر اعظم، نسیم شاہ، اور شاہین شاہ آفریدی کو ٹی 20 سکواڈ سے باہر کیے جانے کا امکان ہے۔ذرائع کے مطابق شاداب خان کو ٹی 20 ٹیم کی قیادت سونپے جانے کی توقع ہے، جبکہ محمد رضوان ون ڈے سکواڈ کے کپتان برقرار رہیں گے۔علاوہ ازیں، عاقب جاوید کو ہیڈ کوچ کے طور پر برقرار رکھنے کا فیصلہ کیا گیا ہے، اور محمد یوسف کو بیٹنگ کوچ بنانے پر غور کیا جا رہا ہے۔ پاکستان ٹیم کو نیوزی لینڈ میں پانچ ٹی 20 اور تین ون ڈے میچز پر مشتمل سیریز کھیلنی ہے، جو 16 مارچ سے شروع ہو گی۔