پاکستان سٹاک ایکسچینج میں کاروبار کے دوران تیزی کا رجحان

کراچی( کامرس ڈیسک)پاکستان سٹاک مارکیٹ میں کاروبار کے دوران تیزی کا رجحان دیکھنے کو ملا، جس کے نتیجے میں انڈیکس ایک لاکھ 12 ہزار پوائنٹس کی حد کو چھو گیا۔کاروباری ہفتے کے دوسرے روز، سٹاک ایکسچینج میں 400 سے زائد پوائنٹس کے اضافے کے ساتھ ہنڈرڈ انڈیکس 1 لاکھ 12 ہزار 475 پوائنٹس تک پہنچ گیا۔یاد رہے کہ گزشتہ روز سٹاک مارکیٹ منفی زون میں چلی گئی تھی، اور 1264 پوائنٹس کی کمی کے ساتھ ہنڈرڈ انڈیکس 1 لاکھ 11 ہزار 986 پوائنٹس پر بند ہوا تھا۔