4
اسلام آباد( ہیلتھ ڈیسک)پاکستان میں پولیو کے دو نئے کیسز رپورٹ ہوئے ہیں۔ حکام نے سندھ کے علاقے قمبر اور پنجاب کے منڈی بہاالدین میں پولیو کیسز کی تصدیق کردی ہے۔سندھ میں رواں برس کا تیسرا اور پنجاب میں پہلا پولیو کیس سامنے آیا ہے، جس کے بعد اس سال پولیو کے مجموعی کیسز کی تعداد پانچ ہوگئی ہے۔گزشتہ سال ملک میں پولیو کے 74 کیسز رپورٹ ہوئے تھے، جن میں بلوچستان سے 27، خیبر پختونخوا سے 22، اور سندھ سے 23 کیسز شامل تھے۔ اس کے علاوہ پنجاب اور اسلام آباد سے بھی ایک، ایک پولیو کیس رپورٹ ہوا تھا۔
