لاہور( سپورٹس ڈیسک)پاکستان سپر لیگ 10 کا شیڈول جاری کر دیا گیا۔11 اپریل سے راولپنڈی کرکٹ اسٹیڈیم میں دفاعی چیمپئن اسلام آباد یونائیٹڈ اور دو بار کی چیمپئن لاہور قلندرز کے درمیان افتتاحی میچ کھیلا جائے گا۔6 ٹیموں کے اس ٹورنامنٹ میں 11 اپریل سے 18 مئی تک 34 میچز کھیلے جائیں گے، جس میں لاہور کے قذافی اسٹیڈیم میں 13 میچز ہوں گے۔
ایچ بی ایل پی ایس ایل 10 کے شیڈول کے مطابق:راولپنڈی کرکٹ اسٹیڈیم 13 مئی کو کوالیفائر 1 سمیت 11 میچز کی میزبانی کرے گا۔کراچی کا نیشنل بینک اسٹیڈیم اور ملتان کرکٹ اسٹیڈیم پانچ پانچ میچوں کی میزبانی کریں گے۔اس ایونٹ میں 3 ڈبل ہیڈرز بھی ہوں گے، جن میں دو میچ ویک اینڈ (ہفتہ) اور ایک قومی تعطیل (یوم مئی) پر کھیلے جائیں گے۔
