بیرسٹر سیف نے مولانا شیرانی کو بانی پی ٹی آئی کا پیغام پہنچا دیا

کو ئٹہ( اباسین خبر)) جے یو آئی (شیرانی گروپ) کے سربراہ مولانا محمد خان شیرانی نے کہا ہے کہ مفاہمت کے ذریعے ملک کو ٹکراو سے نجات دلانی چاہیے۔مشیرِ اطلاعات خیبر پختونخوا بیرسٹر سیف نے مولانا شیرانی سے ملاقات کی اور ان کی اہلیہ کی وفات پر تعزیت کی۔ ملاقات میں سابق وفاقی وزیر محمد علی درانی اور سابق سینیٹر اسلم بلیدی بھی موجود تھے۔ملاقات میں سیاسی تعاون اور اتفاقِ رائے کے فروغ پر اتفاق کیا گیا۔ بیرسٹر سیف نے مولانا شیرانی کو پی ٹی آئی کے بانی اور وزیرِ اعلی کے پی کا پیغام پہنچایا اور مفاہمت، باہمی تعاون اور اعتماد کی فضا کے فروغ میں ان کے کردار کی خواہش ظاہر کی۔سابق وفاقی وزیر محمد علی درانی نے کہا کہ مولانا شیرانی کا زندگی کے ہر شعبے میں بے حد احترام ہے، جبکہ مولانا شیرانی نے مفاہمت کے عمل کو آگے بڑھانے کے لیے محمد علی درانی کو مزید فعال کردار ادا کرنے کی ضرورت پر زور دیا۔