5
لاہور ( اباسین خبر)لاہور ہائیکورٹ نے چیئرمین نادرا کو عہدے سے ہٹانے کے سنگل بینچ کے فیصلے کو کالعدم قرار دے دیا۔ عدالت عالیہ نے وفاقی حکومت کی اپیل کو منظور کرلیا۔یہ فیصلہ جسٹس چوہدری محمد اقبال کی سربراہی میں 2 رکنی بینچ نے سنایا۔ وفاقی حکومت نے سنگل بینچ کے فیصلے کو لاہور ہائیکورٹ میں چیلنج کیا تھا، جس میں چیئرمین نادرا کو عہدے سے ہٹانے کا حکم دیا گیا تھا۔اس فیصلے کے بعد چیئرمین نادرا کو عہدے پر برقرار رکھا گیا ہے۔
