بلوچستان کے کئی اضلاع میں زلزلہ، شدت 3.3 ریکارڈ

کو ئٹہ ( اباسین خبر)سبی سمیت بلوچستان کے کئی اضلاع میں زلزلے کے جھٹکے محسوس کیے گئے، جن کی شدت 3 اعشایہ 3 ریکارڈ کی گئی۔ زلزلہ پیما مرکز کے مطابق زلزلے کا مرکز سبی سے 87 کلومیٹر شمال مشرق میں تھا۔بلوچستان کے ضلع قلات اور اس کے گرد و نواح میں بھی زلزلے کے جھٹکے محسوس کیے گئے، تاہم کسی قسم کے نقصان کی اطلاع نہیں ملی۔ زلزلہ پیما مرکز کے مطابق قلات اور گرد و نواح میں جھٹکے شام 4 بج کر 26 منٹ پر محسوس کیے گئے، اور اس کی شدت 4 اعشایہ 6 تھی جبکہ گہرائی 27 کلومیٹر زیرِ زمین تھی۔ زلزلے کا مرکز قلات کے جنوب مغرب میں 40 کلومیٹر دور تھا۔پیر اور منگل کی درمیانی شب ژوب میں بھی زلزلے کے جھٹکے محسوس کیے گئے تھے۔