35
حیدرآباد(اباسین خبر) سندھ پولیس نے وکلا کو معاملے کی جوڈیشل انکوائری کی پیشکش کر دی ہے۔ پولیس حکام کے مطابق، جوڈیشل انکوائری ڈسٹرکٹ سیشن جج حیدرآباد کی زیر نگرانی کی جائے گی۔ پولیس کا کہنا ہے کہ وہ قانون کے دائرہ کار میں رہتے ہوئے مسئلے کا حل چاہتی ہے۔ چیکنگ کے دوران ایک گاڑی کو روکا گیا، جس پر سبز نمبر پلیٹ اور بلیک شیشے لگے ہوئے تھے۔ گاڑی سوار سے پوچھ گچھ کی گئی تو وہ کوئی معقول جواب نہیں دے سکا۔پولیس حکام کے مطابق، پولیس نے مروجہ قانون کے تحت کارروائی کی تھی۔ تاہم، حیدرآباد کے وکلا کو اس کارروائی پر تحفظات تھے اور وکلا نے اس معاملے کو ایشو بنا کر ایس ایس پی آفس حیدرآباد میں احتجاج کیا اور توڑ پھوڑ کی۔ اس دوران وکلا نے حیدرآباد بائی پاس کو بھی بلاک کر دیا۔
