معروف برطانوی پاپ گلوکارہ و اداکارہ چل بسیں

لند ن ( شو بز ڈیسک)برطانوی پاپ گلوکارہ اور نغمہ نگار ماریان فیتھ فل 78 برس کی عمر میں انتقال کر گئیں۔ ان کی موسیقی کی تشہیری کمپنی ریپبلک میڈیا نے ان کی موت کی تصدیق کرتے ہوئے افسوس کے ساتھ اعلان کیا کہ گلوکارہ، نغمہ نگار اور اداکارہ ماریان فیتھ فل اس دنیا سے رخصت ہو گئی ہیں۔ماریان فیتھ فل کا موسیقی کیریئر اس وقت شروع ہوا جب وہ 1964 میں محض 17 سال کی عمر میں رولنگ سٹونز کے مینیجر سے ملیں اور اپنے مشہور گانے ایز ٹیئرز گو بائی کو ریکارڈ کیا۔ یہ گانا برطانیہ اور امریکہ میں کامیاب رہا، جس کے بعد ان کے متعدد ہٹ سنگلز اور دو البمز سامنے آئے۔گلوکارہ کی وفات پر ان کے ساتھی فنکاروں، جیسے میک جیگر، کی جانب سے گہرے دکھ کا اظہار کیا گیا۔ میک جیگر نے کہا، “وہ میری زندگی کے طویل عرصے تک حصہ رہیں، ایک بہترین دوست، خوبصورت گلوکارہ اور عظیم اداکارہ تھیں۔”ماریان کی زندگی اتار چڑھا کا شکار رہی، جہاں وہ منشیات کی لت میں مبتلا ہوئیں اور کئی سال بے گھر رہیں، لیکن 1979 میں البم بروکن انگلش کے ذریعے شاندار واپسی کی۔ بعد میں انہوں نے اپنی زندگی کو سنوارا اور اسے ایک غیر معمولی تجربہ قرار دیا۔