اسلام آباد( اباسین خبر)پاکستان نے چین کے ساتھ اپنے تعلقات کو مستحکم اور مضبوط قرار دیتے ہوئے، میڈیا میں زیر گردش قیاس آرائیوں کو سختی سے مسترد کیا ہے۔ دفتر خارجہ کے ترجمان نے واضح کیا ہے کہ پاکستان “ون چائنا پالیسی” کے اصولوں پر غیر متزلزل یقین رکھتا ہے اور چین کو اپنے خارجہ پالیسی کا ایک مستقل اور اہم ستون سمجھتا ہے۔ ان کا کہنا تھا کہ پاکستان اور چین کے تعلقات باہمی اعتماد، مشترکہ اقدار، اور عالمی استحکام کے لیے عزم کی عکاسی کرتے ہیں۔دوسری جانب، پاکستان نے سوڈان کے شہر دارفور میں سعودی اسپتال پر ہونے والے حملے کی شدید مذمت کی ہے، جو بین الاقوامی قوانین کی خلاف ورزی ہے۔ اس حملے میں 70 افراد کی ہلاکت کی اطلاعات ہیں، جس پر پاکستان نے متاثرین اور ان کے اہل خانہ سے گہری ہمدردی کا اظہار کیا ہے اور کہا ہے کہ ایسے تنازعات کا حل صرف مذاکرات اور سفارت کاری کے ذریعے ممکن ہے۔ پاکستان نے سوڈان کی خودمختاری اور علاقائی سالمیت کی حمایت کا عہد کیا ہے۔یہ بیانات دونوں ممالک کے ساتھ پاکستان کے مضبوط تعلقات اور عالمی سطح پر امن کے قیام کے عزم کو ظاہر کرتے ہیں۔
دفتر خارجہ نے پاک چین دوستی کو نشانہ بنانے والی قیاس آرائیوں کو مسترد کردیا
13
