5
اسلام آباد( اباسین خبر)اسلام آباد کی سپریم کورٹ میں ایڈیشنل رجسٹرار جوڈیشل نذر عباس نے توہین عدالت کے شوکاز نوٹس کو چیلنج کرتے ہوئے حکم امتناع کی درخواست بھی دائر کر دی۔ سپریم کورٹ نے نذر عباس کی انٹرا کورٹ اپیل کی سماعت کے لیے 6 رکنی بنچ تشکیل دے دیا ہے، جس کی سربراہی جسٹس جمال خان مندو خیل کریں گے۔نذر عباس کے خلاف توہین عدالت کی کارروائی شروع کی گئی تھی اور انہیں عہدے سے ہٹا دیا گیا تھا کیونکہ سپریم کورٹ نے انہیں سنگین غلطی کا مرتکب قرار دیا تھا۔ اب نذر عباس نے اس فیصلے کے خلاف اپیل کی ہے جس پر سپریم کورٹ نے سماعت کے لیے 27 جنوری کی تاریخ مقرر کر دی ہے۔یہ مقدمہ اہمیت اختیار کر گیا ہے کیونکہ اس میں سپریم کورٹ کے اندرونی معاملات، عدلیہ کے احتساب اور حکومتی اداروں کی کارکردگی پر سوالات اٹھائے جا رہے ہیں۔
