2
لاہور ( اباسین خبر)لاہور میں مزید تین نئے پاسپورٹ دفاتر کا افتتاح کیا گیا ہے، جس کا مقصد عوام کو پاسپورٹ بنانے کی سہولت فراہم کرنا ہے۔ یہ دفاتر نادرا کے موجودہ دفاتر میں کھولے گئے ہیں، جن میں ایجرٹن روڈ میگا سنٹر، ساندہ سنٹر اور پیکو روڈ سنٹر شامل ہیں۔ڈائریکٹر پاسپورٹ لاہور ریجن خالد عباس نے بتایا کہ ایجرٹن روڈ میگا سنٹر میں 24 گھنٹے پاسپورٹ بنوانے کی سہولت میسر ہوگی، جبکہ ساندہ اور پیکو روڈ دفاتر میں رات 10 بجے تک یہ سہولت فراہم کی جائے گی۔ نئے دفاتر کا آغاز آج صبح سے کردیا گیا ہے، اور اس کے بعد لاہور میں پانچ پاسپورٹ دفاتر کام کر رہے ہیں۔یہ اقدام عوام کی سہولت کے لئے کیا گیا ہے تاکہ پاسپورٹ کی درخواست دہندگان کو مزید آسانی اور تیزی سے خدمات فراہم کی جا سکیں۔
