دھابیجی پمپنگ سٹیشن پر بجلی کا بڑا بریک ڈاؤن، کراچی کو پانی کی فراہمی معطل

کراچی( اباسین خبر)کراچی کو پانی فراہم کرنے والے دھابیجی پمپنگ سٹیشن پر بجلی کا بڑا بریک ڈان ہوا ہے۔ترجمان واٹر کارپوریشن کے مطابق دھابیجی پمپنگ سٹیشن کی پمپنگ مکمل طور پر بند ہوگئی ہے جس کی وجہ سے شہر کو پانی کی فراہمی عارضی طور پر معطل ہو گئی ہے۔ترجمان پاور ڈویژن کا کہنا ہے کہ دھابیجی پمپنگ سٹیشن میں بجلی بریک ڈان کا نوٹس لیا گیا ہے، اور کے الیکٹرک کو فوری اقدامات کرنے اور بجلی بحال کرنے کی ہدایات جاری کی گئی ہیں۔ترجمان کے مطابق کے الیکٹرک سے کہا گیا ہے کہ کراچی کے عوام کو پانی کی فراہمی ہر صورت بحال ہونی چاہیے، اور انہیں پانی کے سسٹم کو اپ گریڈ کرنے کی ضرورت ہے تاکہ مستقبل میں ایسے واقعات سے بچا جا سکے اور فوری طور پر نمٹنے کے اقدامات کیے جائیں۔یاد رہے کہ گزشتہ روز بھی کراچی میں کے الیکٹرک کے گرڈ سٹیشنز ٹرپ کرنے کی وجہ سے متعدد علاقوں میں بجلی کی فراہمی معطل ہو گئی تھی۔