2
غزہ( مانیٹرنگ ڈیسک)لٹے پٹے فلسطینیوں کی تباہ حال گھروں میں واپسی شروع ہوگئی۔فلسطینیوں نے سوشل میڈیا پر تباہ شدہ اسرائیلی بکتر بند گاڑیوں اور بلڈوزروں کی تصاویر شیئر کیں، جن سے اسرائیلی فوجی سازو سامان کی مکمل تباہی کا منظر سامنے آیا۔ غزہ اب اسرائیلی فوجی سازو سامان کا قبرستان بن چکا ہے۔ اسرائیلی فوج جنوبی غزہ میں رفاہ سٹی سے نکلنا شروع ہوگئی ہے، اور اب اسرائیلی فوج مصر کی سرحد کے ساتھ فلاڈیلفی راہداری کے قریب موجود رہے گی۔آئندہ مراحل میں مصر کے ساتھ رفاہ کراسنگ کھولنے کا فیصلہ کیا گیا ہے، جس کے بعد غزہ کی تعمیر نو کے حوالے سے معاملات طے کیے جائیں گے۔ اس دوران فلسطینی زخمیوں کو لینے کے لیے یمن کے صنعا کے ہسپتالوں میں ہنگامی الرٹ جاری کردیا گیا ہے۔
