بھارتی اداکار کی اہلیہ نے اسلام قبول کرلیا

ممبئی ( شو بز ڈیسک)بھارتی اداکار اور فٹنس ٹرینر ساحل خان کی اہلیہ ملینا الیگزینڈرا نے اسلام قبول کر لیا۔ساحل خان نے فوٹو اینڈ ویڈیو شیئرنگ ایپ انسٹاگرام پر اپنی اہلیہ کے ساتھ کچھ نئی تصاویر اور ایک ویڈیو شیئر کی، جس میں وہ اپنی اہلیہ کو باہوں میں تھامے کیمرے کے سامنے پوز دیتے ہوئے نظر آ رہے ہیں۔ ویڈیو میں ملینا الیگزینڈرا کو گلاب کے پھولوں سے سجی میز کے پاس بیٹھے خوشگوار موڈ میں پھولوں کو پیار سے چھوتے ہوئے دکھایا گیا ہے۔ساحل خان نے اپنی ویڈیو کے کیپشن میں لکھا کہ “مجھے یہ اعلان کرتے ہوئے بہت فخر ہے کہ میری بیوی ملینا الیگزینڈرا نے اسلام قبول کر لیا ہے۔”انہوں نے مزید لکھا، “اس خوبصورت سفر کے لیے الحمدللہ! اللہ ہمیں معاف فرمائے اور ہماری دعاں کو قبول کرے۔”