پنجاب میں شیدید دھند، مختلف مقامات پر موٹرویز ٹریفک کیلیے بند

لاہور( اباسین خبر)پنجاب میں شدید دھند کے باعث تین موٹرویز مختلف مقامات پر ہر قسم کی ٹریفک کے لیے بند کر دی گئی ہیں۔ ترجمان موٹروے پولیس سید عمران احمد کے مطابق، موٹروے ایم 2 ٹھوکر نیاز بیگ سے بابو صابو تک، موٹروے ایم 3 سمندری سے درخانہ تک اور موٹروے ایم 4 شور کوٹ سے گوجرہ تک دھند کی وجہ سے بند کی گئی ہیں۔ترجمان نے کہا کہ موٹرویز کو عوام کی حفاظت اور محفوظ سفر کے لیے بند کیا گیا ہے۔ شہریوں کو مشورہ دیا گیا ہے کہ وہ دن کے اوقات میں سفر کریں، کیونکہ صبح 10 سے شام 6 بجے تک دھند کے موسم میں بہترین سفری اوقات ہیں۔مزید برآں، ڈرائیوروں کو ہدایت کی گئی ہے کہ وہ دھند والی لائٹس کا استعمال کریں، غیر ضروری سفر سے گریز کریں، تیز رفتاری سے پرہیز کریں اور اگلی گاڑی سے مناسب فاصلہ رکھیں تاکہ محفوظ سفر کو یقینی بنایا جا سکے۔