یونان نے کشتی حادثے کی تحقیقاتی رپورٹ حکومت پاکستان کو بھجوا دی

اسلام آباد( اباسین خبر)یونان کی سمندری حدود میں غیر قانونی تارکین وطن کی کشتیاں الٹنے کے واقعے کی تحقیقاتی رپورٹ سامنے آ گئی ہے۔ایتھنز سفارتخانے نے یہ تحقیقاتی رپورٹ حکومتِ پاکستان کو بھیج دی ہے۔ رپورٹ کے مطابق، یونان کی سمندری حدود میں 3 کشتیوں کو حادثہ پیش آیا، اور تینوں کشتیوں کا سفر لیبیا کے علاقے تبروک سے شروع ہوا تھا۔رپورٹ میں بتایا گیا کہ پہلی کشتی میں 6 پاکستانیوں سمیت 45 افراد سوار تھے، جنہیں بچا لیا گیا۔ دوسری کشتی میں 5 پاکستانیوں سمیت 47 افراد سوار تھے، جنہیں بھی ریسکیو کر لیا گیا۔تیسری کشتی میں 83 افراد سوار تھے جن میں 76 پاکستانی، 3 بنگلادیشی، 2 مصری اور 2 سوڈانی ڈرائیورز شامل تھے۔ تیسری کشتی کے 39 افراد کو ریسکیو کیا گیا، جن میں 36 پاکستانی تھے۔