بنوں ( اباسین خبر)بنوں میں سکیورٹی فورسز کی مشترکہ چیک پوسٹ پر دہشت گردوں کے حملے میں 12 اہلکار شہید ہو گئے۔پاک فوج کے شعبہ تعلقات عامہ (آئی ایس پی آر) کے مطابق، دہشت گردوں نے بنوں کی ایک مشترکہ چیک پوسٹ پر حملہ کرنے کی کوشش کی۔ سکیورٹی فورسز اور دہشت گردوں کے درمیان شدید فائرنگ کا تبادلہ ہوا، جس میں 6 دہشت گرد ہلاک ہو گئے۔آئی ایس پی آر نے مزید بتایا کہ حملے کے دوران دہشت گردوں نے خودکش دھماکہ کیا، جس کے نتیجے میں 12 سکیورٹی اہلکار شہید ہو گئے۔ شہدا میں 10 اہلکار سکیورٹی فورسز کے اور 2 فرنٹیئر کانسٹیبلری کے شامل ہیں۔سکیورٹی فورسز نے دہشت گردوں کی چیک پوسٹ میں داخل ہونے کی کوشش ناکام بنا دی تھی، جس کے بعد دہشت گردوں نے ایک بارودی مواد سے بھری گاڑی چیک پوسٹ کی دیوار سے ٹکرا دی۔ خودکش دھماکے سے چیک پوسٹ کی دیوار کا ایک حصہ گر گیا، اور ملحقہ انفرا اسٹرکچر کو نقصان پہنچا، جس سے مزید شہادتیں ہوئیں۔
بنوں: خوارج کی سکیورٹی چیک پوسٹ پر حملے کی کوشش، مقابلے میں 12 جوان شہید
30
