جنوبی کوریا ( سپورٹس ڈیسک)جنوبی کوریا نے ورلڈ کپ کے اپنے افتتاحی میچ میں سنسنی خیز مقابلے کے بعد جمہوریہ چیک کو ایک کے مقابلے میں دو گول سے شکست دے دی۔میچ کے دوران دونوں ٹیموں نے شاندار کھیل پیش کیا، تاہم جنوبی کوریا نے زیادہ تر وقت کھیل پر گرفت برقرار رکھی اور متعدد مواقع بھی پیدا کیے۔ چیک گول کیپر ماتیج کووار نے کئی اہم بچاؤ کر کے اپنی ٹیم کو مقابلے میں برقرار رکھا۔میچ کا پہلا گول 59ویں منٹ میں چیک ریپبلک کی جانب سے لادیسلاو کریجچی نے ہیڈر کے ذریعے کیا اور اپنی ٹیم کو برتری دلائی۔ تاہم 67ویں منٹ میں جنوبی کوریا نے شاندار انداز میں مقابلہ برابر کر دیا۔77ویں منٹ میں چیک ٹیم نے ایک اور گول کیا جو بعد میں آف سائیڈ قرار دے دیا گیا۔ اس کے صرف تین منٹ بعد جنوبی کوریا کے متبادل کھلاڑی اوہ ہیون گیو نے فیصلہ کن گول اسکور کر کے اپنی ٹیم کو یادگار فتح دلا دی۔اس کامیابی کے بعد جنوبی کوریا گروپ اے میں تین پوائنٹس کے ساتھ مشترکہ طور پر سرفہرست آ گیا ہے، جہاں میزبان میکسیکو بھی جنوبی افریقہ کو شکست دے کر تین پوائنٹس حاصل کر چکا ہے۔
