شردھا کپور کی فلم ’ایتھا‘ کا ٹریلر جاری، نانا پاٹیکر کی جھلک نمایاں

ممبئی( شو بز ڈیسک)بالی ووڈ اداکارہ شردھا کپور کی نئی سوانحی فلم ’ایتھا‘ کا آفیشل ٹریلر جاری کر دیا گیا، جس میں آنجہانی اداکار نانا پاٹیکر کی جھلک نے مداحوں کی توجہ حاصل کر لی۔بھارتی میڈیا کے مطابق پروڈکشن کمپنی میڈوکس فلمز نے 30 اکتوبر کو ہالووین سے ایک روز قبل فلم کا آخری ٹریلر جاری کیا، جس کا دورانیہ 3 منٹ ہے۔فلم میں شردھا کپور نے بھارت کی معروف لوک فنکارہ وٹھا بائی بھاؤ مانگ نارائن گاؤنکر کی زندگی اور فن کو پیش کیا ہے، جو اپنی لوک روایات، ثقافت اور فنکارانہ ورثے کے باعث شہرت رکھتی تھیں۔39 سالہ اداکارہ نے فلم کا پوسٹر اپنی انسٹاگرام اسٹوری پر بھی شیئر کیا اور لکھا کہ پردہ اٹھ چکا ہے۔ٹریلر سامنے آنے کے بعد مداحوں نے ردعمل دیتے ہوئے کہا کہ فلم میں نانا پاٹیکر کی موجودگی ایک شاندار فلمی تجربہ ثابت ہوگی۔واضح رہے کہ ’ایتھا‘ مہاراشٹر کی معروف لوک فنکارہ وٹھا بائی بھاؤ مانگ نارائن گاؤنکر کی زندگی پر مبنی ہے، جنہوں نے لاونی اور تماشہ کے روایتی فنون میں نمایاں خدمات انجام دیں۔فلم کی مرکزی کاسٹ میں شردھا کپور کے علاوہ رندیپ ہُڈا، نانا پاٹیکر، محمد ذیشان ایوب اور سدھارتھ جادھو شامل ہیں۔