وائٹ ہاؤس کی پریس سیکریٹری کیلئے نکی مناج کا نام تجویز

واشنگٹن ( شو بز ڈیسک) وائٹ ہاؤس کے ڈائریکٹر برائے مواصلات اسٹیون چیونگ نے امریکی گلوکارہ اور ریپر نکی مناج کا نام پریس سیکریٹری کے عہدے کے لیے تجویز کردیا۔غیر ملکی میڈیا رپورٹس کے مطابق اسٹیون چیونگ نے 25 اکتوبر کو سوشل میڈیا پلیٹ فارم ایکس پر ایک فرضی انٹرویو کی ویڈیو شیئر کرتے ہوئے لکھا کہ ان کے خیال میں وائٹ ہاؤس کو نئی پریس سیکریٹری مل گئی ہیں۔ویڈیو میں اسٹیون چیونگ طیارے میں نکی مناج سے امریکی معیشت، صدر ڈونلڈ ٹرمپ کی خارجہ پالیسی اور ان کے طرزِ عمل سے متعلق سوالات کرتے دکھائی دیے۔بعد ازاں نکی مناج نے مشی گن میں ریپبلکن پارٹی کی انتخابی ریلی میں صدر ٹرمپ کے ساتھ شرکت کی اور ان کی کھل کر حمایت کی۔ خطاب کے دوران انہوں نے خود کو ٹرمپ کی سب سے بڑی مداح قرار دیا۔نکی مناج نے ٹرمپ کے کاروباری تجربے کی تعریف کرتے ہوئے کہا کہ اپنے مالی معاملات سنبھالنے کی ان کی صلاحیت ظاہر کرتی ہے کہ وہ معاشیات کو سمجھتے ہیں۔ انہوں نے خارجہ پالیسی میں امریکی مفادات کو ترجیح دینے کے حوالے سے بھی صدر کے طرزِ عمل کو سراہا۔ریپبلکن امیدواروں کی انتخابی مہم کے بارے میں سوال پر گلوکارہ نے کہا کہ ٹرمپ اپنی عمر سے نصف عمر کے لوگوں کے مقابلے میں بھی زیادہ محنت کرتے ہیں۔نکی مناج نے اسٹیون چیونگ کی پوسٹ دوبارہ شیئر کرتے ہوئے ایموجیز کے ذریعے ردِعمل دیا، جبکہ وائٹ ہاؤس کے سرکاری اکاؤنٹ نے بھی جواب دیا۔ ٹرمپ کے مشیر الیکس بروسوِٹز نے نکی مناج کے مداحوں سے اس تجویز پر رائے طلب کی۔واضح رہے کہ صدر ٹرمپ نومبر میں ہونے والے وسط مدتی انتخابات سے قبل ریپبلکن امیدواروں کی انتخابی مہم چلا رہے ہیں۔ پریس سیکریٹری کا عہدہ کیٹی زکریا کے مستعفی ہونے کے بعد خالی ہوا تھا، جن کی مدتِ کار اکتوبر میں صرف 5 روز رہی۔