بھارتی روپیہ دباؤ کا شکار، ایشیا کی کمزور کارکردگی دکھانے والی کرنسیوں میں شامل

ممبئی( مانیٹرنگ ڈیسک)بین الاقوامی میڈیا رپورٹ کے مطابق بھارتی روپیہ حالیہ عرصے میں دباؤ کا شکار رہا ہے اور اسے ایشیا کی کمزور کارکردگی دکھانے والی کرنسیوں میں شمار کیا جا رہا ہے۔رپورٹ میں کہا گیا ہے کہ عالمی بانڈ ییلڈز میں اضافے اور توانائی کی عالمی قیمتوں میں اتار چڑھاؤ کے باعث بھارتی کرنسی پر دباؤ بڑھا ہے، جس کے نتیجے میں یہ ریکارڈ کم سطح کے قریب ٹریڈ کرتی رہی۔ماہرین کے مطابق کرنسی کی قدر میں کمی کے رجحان کے دوران درآمدی اخراجات اور توانائی کی قیمتوں پر بھی اثرات مرتب ہو سکتے ہیں، جس سے معیشت میں مہنگائی کے دباؤ میں اضافہ ہوتا ہے۔رپورٹ میں مزید کہا گیا ہے کہ اگر عالمی مالیاتی حالات اور توانائی کی قیمتوں میں اتار چڑھاؤ جاری رہا تو بھارتی روپے پر دباؤ مستقبل میں بھی برقرار رہ سکتا ہے، تاہم کرنسی کی سمت کا انحصار ملکی معاشی پالیسیوں اور بیرونی مالی حالات پر ہوگا۔