ہیری کین بیلن ڈی اور جیتنے والے پانچویں انگلش فٹبالر بن گئے

لاہور ( سپورٹس ڈیسک) انگلینڈ اور جرمن کلب بائرن میونخ کے اسٹار اسٹرائیکر ہیری کین نے بیلن ڈی اور ایوارڈ جیت کر تاریخ رقم کردی۔ وہ 2001 میں مائیکل اوون کے بعد یہ اعزاز حاصل کرنے والے پہلے اور مجموعی طور پر پانچویں انگلش فٹبالر بن گئے ہیں۔اس سے قبل اسٹینلے میتھیوز، بوبی چارلٹن، کیون کیگن اور مائیکل اوون یہ اعزاز حاصل کرچکے ہیں۔33 سالہ ہیری کین نے گزشتہ سیزن میں کلب اور قومی ٹیم کی جانب سے مجموعی طور پر 65 میچز میں 73 گول اسکور کیے، جبکہ 8 گولز میں معاونت بھی فراہم کی۔ ان کی غیر معمولی کارکردگی نے انہیں دنیا کے بہترین کھلاڑی کے اعزاز کا مضبوط امیدوار بنایا۔ایوارڈ کی دوڑ میں فرانس کے کائیلیان ایمباپے دوسرے جبکہ اسپین کے نوجوان اسٹار لامین یامال تیسرے نمبر پر رہے۔ہیری کین نے ایوارڈ جیتنے کے بعد کہا کہ ان کے کیریئر میں کئی اتار چڑھاؤ آئے، تاہم مسلسل محنت، خود اعتمادی اور عزم نے انہیں اس مقام تک پہنچایا۔بائرن میونخ کی جانب سے ہیری کین نے گزشتہ سیزن تمام مقابلوں میں 61 گول کیے، جو کلب کی تاریخ میں ایک سیزن کے دوران کسی کھلاڑی کے سب سے زیادہ گول ہیں۔ انہوں نے بنڈس لیگا میں 36 اور چیمپئنز لیگ میں 14 گول اسکور کیے۔انفرادی کارکردگی کی بدولت ہیری کین نے بیلن ڈی اور اپنے نام کیا، جبکہ اب ان کی نظریں اگلے سیزن میں بھی اس اعزاز کو برقرار رکھنے پر مرکوز ہوں گی۔