فرانسیسی ایجنسی کے انکشافات، غیر ملکی انتخابات میں ڈیجیٹل مداخلت کے شبہات

پیرس( مانیٹرنگ ڈیسک) پیرس میں غیر ملکی ڈیجیٹل مداخلت کی نگرانی کرنے والی فرانسیسی ایجنسی ویجینم نے شبہ ظاہر کیا ہے کہ اسرائیلی کمپنی بلیک کور مختلف ممالک کے انتخابات میں مداخلت میں ملوث ہو سکتی ہے۔رپورٹس کے مطابق ایجنسی نے یہ خدشہ ظاہر کیا ہے کہ یہ سرگرمیاں فرانس کے مقامی انتخابات کے ساتھ ساتھ نیویارک کے میونسپل انتخابات، اسکاٹ لینڈ، انگولا اور ٹوگو کے انتخابی عمل کو بھی متاثر کرنے کی کوشش کر سکتی ہیں۔یہ معلومات فرانسیسی سیکرٹری جنرل برائے دفاع اور قومی سلامتی کی ایک رپورٹ میں بھی سامنے آئی ہیں، جس میں سائبر سرگرمیوں اور ڈیجیٹل نیٹ ورکس کا تفصیلی جائزہ لیا گیا ہے۔مارچ 2026 میں ویجینم نے ایک سائبر آپریشن ’’روک سولس‘‘ کا انکشاف کیا، جس میں ویب سائٹس اور سوشل میڈیا اکاؤنٹس کے نیٹ ورک کے ذریعے سیاسی اثر و رسوخ قائم کرنے کی کوشش کی گئی۔رپورٹ کے مطابق اس نیٹ ورک کا مقصد سیاسی جماعت این باوڈ فرانس اور اس کے امیدواروں کو بدنام کرنا تھا، خاص طور پر 15 اور 22 مارچ 2026 کو ہونے والے میونسپل انتخابات سے قبل۔تحقیقات میں بتایا گیا ہے کہ یہ ویب سائٹس مشترکہ تکنیکی خصوصیات رکھتی تھیں، جن میں ایک جیسے آئی پی ایڈریس، رجسٹریشن کی تاریخیں اور تصویری میٹا ڈیٹا شامل تھے۔مزید یہ کہ ان سرگرمیوں کو ٹک ٹاک، انسٹاگرام، ایکس اور فیس بک جیسے پلیٹ فارمز کے ذریعے مربوط انداز میں پھیلایا گیا، جہاں غیر حقیقی اور مشکوک طرزِ عمل کے واضح اشارے بھی دیکھے گئے۔