5
پشاور( اباسین خبر)پشاور ہائی کورٹ میں 26 ویں آئینی ترمیم کو کالعدم قرار دینے کے خلاف دائر درخواستوں کی سماعت کل ہوگی۔ ایکسپریس نیوز کے مطابق، ان درخواستوں پر سماعت کے لیے کاز لسٹ جاری کردی گئی ہے، جس کے مطابق درخواستوں کی سماعت جسٹس سید ارشد علی اور جسٹس ڈاکٹر خورشید اقبال پر مشتمل دو رکنی بینچ کرے گا۔واضح رہے کہ 26 ویں آئینی ترمیم پارلیمنٹ کی جانب سے منظور کی گئی تھی، لیکن اس کے خلاف مختلف عدالتوں میں درخواستیں دائر کی گئی ہیں۔ درخواست گزاروں نے اس آئینی ترمیم کو عدالتی نظام انصاف کے خلاف قرار دیتے ہوئے اسے کالعدم قرار دینے کا مطالبہ کیا ہے۔
