اداروں کے خلاف بے بنیاد معلومات سوشل میڈیا پر پوسٹ کرنیوالے کیخلاف پیکا ایکٹ کے تحت مقدمہ درج

راولپنڈی( اباسین خبر)راولپنڈی میں پیکا ایکٹ کے تحت تھانہ وارث خان میں ایک مقدمہ درج کیا گیا ہے۔ پولیس کے مطابق اداروں کے خلاف بے بنیاد معلومات سوشل میڈیا پر پوسٹ کرنے پر مقدمہ درج کیا گیا اور ملزم کو غیر مناسب پوسٹ کرنے کے الزام میں گرفتار کر لیا گیا ہے۔پولیس نے گرفتار ملزم کو اڈیالہ جیل منتقل کر دیا ہے۔ پولیس کا کہنا ہے کہ آزادی اظہارِ رائے کی آڑ میں قانون شکنی اور منفی پراپیگنڈے کی اجازت نہیں دی جائے گی۔