2
راولپنڈی( اباسین خبر) انسداد دہشت گردی عدالت نے پی ٹی آئی کے رہنما اور اپوزیشن لیڈر قومی اسمبلی عمر ایوب کی عبوری ضمانت عدم حاضری پر خارج کر دی۔عدالت میں جج امجد علی شاہ کی سربراہی میں سماعت ہوئی جس میں عمر ایوب اور ان کے وکیل ڈاکٹر بابر اعوان پیش نہیں ہوئے۔ اس پر عدالت نے عمر ایوب کی عبوری ضمانت خارج کر دی۔عمر ایوب کے خلاف 26 نومبر کے احتجاج کے دوران دو مقدمات درج ہیں۔دوسری جانب پی ٹی آئی کی رہنما صنم جاوید اور مشال یوسفزئی کے وکیل نے دلائل کے لیے مزید وقت طلب کیا، جس پر عدالت نے عبوری ضمانت میں توسیع کرتے ہوئے ایڈووکیٹ فیصل ملک سے 22 مارچ کو دلائل طلب کر لیے۔
