کوئٹہ ( اباسین خبر)بولان میں دہشت گردوں کے حملے کا شکار جعفر ایکسپریس کی بوگیاں 8 روز بعد کوئٹہ پہنچا دی گئیں، جن سے 3 دستی بم بھی برآمد ہوئے ہیں جنہیں ناکارہ بنا دیا گیا۔ریلوے حکام کے مطابق کوئٹہ پہنچنے والی بوگیوں پر گولیوں کے نشانات اور بیشتر کھڑکیوں کے شیشے ٹوٹے ہوئے ہیں، جنہیں مرمت کے بعد دوبارہ فعال کر کے سفر کے قابل بنایا جائے گا۔ریلوے پولیس حکام نے بتایا کہ متاثرہ بوگیوں سے 3 دستی بم برآمد ہوئے، جنہیں فورا ناکارہ بنایا گیا۔ جعفر ایکسپریس کی یہ تباہ حال کوچز کچھی کے علاقے مشکاف سے کوئٹہ منتقل کی گئی تھیں۔یاد رہے کہ 11 مارچ کو بولان میں جعفر ایکسپریس پر دہشت گردوں نے حملہ کیا تھا، جس کے نتیجے میں متعدد شہری اور اہلکار شہید ہو گئے تھے۔ فورسز نے فوری کارروائی کرتے ہوئے ٹرین کو ہائی جیک ہونے سے بچایا اور مسافروں کو بحفاظت بازیاب کر لیا، اس دوران تقریبا 50 دہشت گرد مارے گئے تھے۔
جعفر ایکسپریس کی بوگیاں 8 روز بعد کوئٹہ پہنچ گئیں، بو گیوں سے تین دستی بم برآمد
3
