دورہ نیوزی لینڈ کیلئے آ ج سے قومی ون ڈے سکواڈ کی ٹریننگ کا آغازہوگا

لاہور( سپورٹس ڈیسک)دورہ نیوزی لینڈ کے لیے قومی ون ڈے سکواڈ کے 9 کھلاڑی آج سے ایل سی سی گراونڈ میں ٹریننگ کریں گے۔پاکستان کرکٹ بورڈ (پی سی بی) کے مطابق، اس ٹریننگ سیشن میں کپتان محمد رضوان، عبداللہ شفیق، بابر اعظم، فہیم اشرف، امام الحق، وسیم جونئیر، نسیم شاہ، عاکف جاوید اور طیب طاہر شامل ہیں۔پی سی بی نے بتایا ہے کہ تمام کھلاڑی 21 مارچ تک ٹریننگ کریں گے۔ قومی کرکٹ ٹیم کا ون ڈے سکواڈ 23 مارچ کی صبح دبئی کے راستے نیوزی لینڈ روانہ ہو گا۔پاکستان اور نیوزی لینڈ کے درمیان تین ون ڈے میچز کی سیریز 29 مارچ سے 5 اپریل تک کھیلی جائے گی۔