1
لاہور( اباسین خبر) لاہور ہائیکورٹ نے وزیراطلاعات پنجاب عظمی بخاری کی جعلی ویڈیو کے خلاف درخواست ایف آئی اے کی رپورٹ کی روشنی میں نمٹا دی۔ چیف جسٹس لاہور ہائیکورٹ جسٹس عالیہ نیلم کی سربراہی میں 3 رکنی بنچ نے درخواست کی سماعت کی۔ وفاقی حکومت کے وکیل اسد باجوہ نے ایف آئی اے کی رپورٹ پیش کی، جس میں بتایا گیا کہ ایف آئی آر درج کرلی گئی ہے، دو ملزمان گرفتار ہوچکے ہیں اور دونوں کا چالان عدالت میں جمع کرایا جاچکا ہے۔ اشتہاری ملزمان کے خلاف قانونی کارروائی جاری ہے۔ عدالت نے ایف آئی اے کی رپورٹ پر اطمینان کا اظہار کرتے ہوئے درخواست نمٹا دی۔
