مکہ مکرمہ( مانیٹرنگ ڈیسک) رمضان المبارک کے پہلے عشرے میں مسجد الحرام میں عبادت اور زیارت کے لیے آنے والے زائرین کی تعداد دو کروڑ 50 لاکھ سے تجاوز کر گئی ہے، جو کہ ایک نیا ریکارڈ ہے۔حرمین شریفین کے امور کی جنرل اتھارٹی کے مطابق، اس عرصے کے دوران 55 لاکھ سے زائد مسلمانوں نے عمرہ ادا کیا، جو اس مقدس مقام پر مذہبی سرگرمیوں میں نمایاں اضافے کی نشاندہی کرتا ہے۔عرب میڈیا کی رپورٹ کے مطابق، زائرین کی بڑھتی ہوئی تعداد کو منظم کرنے کے لیے وسیع پیمانے پر انتظامات کیے گئے ہیں۔ مسجد الحرام کے صحن اور گزرگاہوں میں عبادت گزاروں کی رہنمائی کے لیے 11 ہزار سے زائد ملازمین تعینات کیے گئے ہیں۔ اس کے علاوہ، 350 سعودی نگران اور 4 ہزار صفائی کارکن بھی مسجد الحرام کی صفائی اور زائرین کی سہولت کے لیے موجود ہیں۔مسجد الحرام میں زائرین کو زمزم پانی کی سہولت فراہم کرنے کے لیے 20 ہزار ڈسپنسر بھی نصب کیے گئے ہیں تاکہ ان کی عبادت میں کسی قسم کی پریشانی نہ ہو۔
رمضان کے پہلے عشرے میں مسجدالحرام میں زائرین کی تعداد دو کروڑ 50 لاکھ سے تجاوز
2
